أني اتنفس تحت الماء .. اني اغرق .. اغرق .. قوم يا عم انت اصلا نايم في البانيو ......

 ده حاله كل معظم الشباب تقريبا اليومين دول .... كل واحد مستني حد يجيلة يطلعة و يخرجة من الي هو فية مع ان مفيش حد في الدنيا يقدر يساعدك اكتر من نفسك .. لدرجة اننا بقي عندنا ناس محضرين دكتورا و دبلومات في فن الشكوي ... و تعليق الاخطاء علي الاخرين و علي اي شئ اخر ماعدا نفسه ...

 الي يقولك في بطاله في البلد و الحكومة و النظام السابق هو السبب ... طب و انت حولت تشتغل اية طيب غير تخصصك ؟ ... و لا اية هي هوايتك؟ ...

 يرد عاليك اصل التعليم في البلد بايظ  و فية اهمال فمعنديش اي هوايا ...

طيب وانت حاولت تطور نفسك في اية و تغير ده ازاي ؟ ..

يقولك اصل الكلام ده عايز حد رايق و فاضي .. لكن انا دايما مشغول و بفكر ..

طب و انت بتفكر و مشغول باية اصلا ؟

يرد و يقول بدورعلي شغل  ..

طب السنين جرت بعض و ملاقتش شغل هتعمل ايه ؟  يقولك مانا بفكر اهو ..

و هو اصلا بقاله عشر سنين بيفكر ......

و هو تلاقية اصلا ياما علي القهوة او قاعد علي النت كل الوقت بيتكالم مع صحابه... لدرجة ان القهوة بقي مكسابها كبير اليومين دول في البلد .. عارفين لو عملو مسابقة عالمية في لعب الشطارنج و الدمنوا و الطاولة اكيد الي هياخد الميدالة الدهبية من عندنا ... طب حتي النت و الكمبيوتر انت طورت نفسك فية ازاي و لا اتعلمت منه دروس اية الي موجوده دلوقتي في كل حتة علي اليوتيوب...... يبوصلك كده باستغراب كانة بتقولة شئ اول مرة يعرفة .. و يفكر شوية ... و بعدين يقولك عارف محدش بيدي المعلومة كاملة ده كلام فارغ .. مش هستافيد .. ده علي اساس ان انت بروفسور طبعا ... تمام تمام ..

اكيد طبعا بعد المحوالات دي انا فقت الامل في اني احط شئ في ادراكه قعد سنيين يرسخة جواه و مقتنع بية و مريحة و هي ان العيب في اي شي حوالية معداه هو..

و لو سئلت حد عن النجاح و النجحين ياما يقولك دي وسطة اكيد .. او الحظ .. مع اننا عيشين في زمن مبقاش في حظ و الانسان هو الي بيصنع قدرة بنفسة لان كل الطرق دلوقتي بقت متاحة بس مبيدخلش من الباب الا من ادمن الطرق عاليها ..

بس ضعف الاراده و العزيمة هو السبب في كل مشاكل الشباب الفترة الحالية و هوان نفسهم في نظرهم ... مع ان لا يميز الانسان عن الاخر غير الايمان بالفكرة .. فعقلك يبدع بكل الطرق فيما تعطية من افكار فاذا فكرت في انك انسان فاشل و دعمت الفكرة بكل الحجج و البراهين .. سيطصرف عقلك علي هذا الاساس .. فستفكر كالفاشلين و تشعر كالفاشلين و تتحرك كا الفاشلين و ليس ذلك فقط بل سوف تبدع في ذلك و ستكون اعظم فاشل في العالم .........

في حين انك اذا فكرت في انك ناجح و دعمت الفكرة في عقلك بالحجج و البراهين ستفكر كالناجحين و تتصرف كالناجحين و تتحرك كالناجحين و سوف تبدع في ذلك فتكون اروع ناجح ...

فانت الذي تحد من قدرات نفسك و انت الذي تحبط نفسك و تختار ان تكون عدو نفسك او تكون ان سر نجاح نفسك و محفزو داعم لنفسك

و افكارك التي تغذي بها عقلك مسئوليتك انت و ليس احد غيرك .. و انت الذي تحصد ما تزرعة و ليس غيرك ... فاحترس كيف تفكر لان افكارك سوف تتحول الي اعتقاد و اعتقادك سوف يصبح احساس و احساسك سوف يكون افعال ...

قدرك بين يديك ... فاي طريق تسلك ؟

"متي تفتح عقل الانسان بفكرة جديدة فلن يعود ابدا الي افاقة الاصلية"

اوليفيية وينديل هولمس


 بقلم : تنة و رنة مصرية
 اذا اعجبكم            
 فلا تنسوا ان تشاركوة مع اصدقائكم